David Luiz`in etirafları

Braziliyalı müdafiəçi bir zamanlar dünyanın ən yaxşısı adlanırdı. Onun Chelsea`də ilk illəri hamının yaddaşlarında xoş xatirələr olaraq qalmaqdadır. Ancaq oyunçu azarkeşlərin sözü ilə desək öz quyusunu qazdı. Paris Saint Germain klubuna transferindən sonra Chelsea azarkeşlərinin gözündə düşən oyunçu bir daha əvvəlki yerinə yüksələ bilmədi.

Fransada keçən illərdən sonra yenidən Chelsea`yə dönən Luiz hətta burada müqaviləsinin müddətini də uzatmışdı. Onun müqaviləsini fəxrlə paylaşdığı sosyal mediya paylaşımları yəqin ki hamının xatirindədir. David Luiz, bundan sonra daha çətin zamanlar yaşamağa başladı. Transfer qadağası olan Chelsea heyətinə yeni oyunçular cəlb edə bilməyəcəyi üçün ilk zamanlarda onu itirmək istəmirdi. Hətta klubun satış mağazalarında da onun posterləri ən öndə idi. Ancaq Chelsea`nin baş məşqçisi Frank Lampard təyin edildikdən sonra onun üçün klubda son yaxınlaşmış oldu. Oyunçu etiraf edir ki, o Chelsea`ni tərk etmək qərarı alanda heç Arsenal`dan təklif belə almamışdı. Yəni oyunçu, Chelsea`ni tərk etməyi bu yay əvvəlcədən planlaşdırırdı.

ONBİR, The Telegraph`a istinadən bildirir ki, David Luiz, Frank Lampard`la olan əlaqələrini belə ifadə edib: “Mən və Frank`in arasında çox səmimi və açıq dialoq keçdi. Onun və mənim futbol fəlsəfələrimiz bir birindən olduqca fərqli idi. Və biz qərarlaşdırdıq ki, yollarımız ayrılsın”.