Bartomeu Messi`ni Barcelona`da saxlamaq istəyir
ONBİR AS qəzetinə istinadən xəbər verir ki, Barcelona Messi ilə olan müqaviləsini uzatmaq niyyətindədir. Katalonların prezidenti Josep Bartomeu 32 yaşlı hücumçu ilə yeni müqavilənin imzalanmasını klubun əsas hədəfi kimi sayır. Hazırki müqavilə 2021-ci ilin yayına qədər nəzərdə tutulub, lakin müqavilənin şərtinə görə Messi hər mövsümün sonunda öz istəyi ilə klubu tərk edə bilər.
Bartomeu artıq mart ayının əvvəlində futbolçunun atası Jorge Messi ilə yeni müqavilənin şərtlərini müzakirə etməyə cəhd göstərib, lakin Lionel`in klubdaxili bəzi qalmaqallarda iştirakı prezidentin planlarına müdaxilə edib. Bildirilir ki, Messi, 2021-ci ilin yayında klubu öz istəyi ilə tərk etmək şansı haqqında bənd olan halda, Barcelona ilə 2022-ci ilə qədər müqavilə imzalamaq istərdi.