Sion 9 futbolçusunu qovdu

Digər çempionatlarda olduğu kimi İsveçrə Super League`ində koronavirusla əlaqəli olaraq fasilə verilib. ONBİR Goal.com`a istinadən məlumat verir ki, maliyyə problemləri ilə üzləşən Sion klubu 9 futbolçusu ilə birtərəfli olaraq yollarını ayırıb.

Avropanın top çempionatlarında çıxıs edən klublar arasında Sion belə kəskin qərar verən ilk klubdur və bunu “Unikal” tərzdə həyata keçiriblər. Komandanın prezidenti Christian Constantin çərşənbə axşamı komandanın Whatsapp qrupunda oyunçuları “Texniki İşsizlik” müqaviləsini imzalamağa çağırıb və “Düşünməyə” bir gün vaxt verib. Futbolçuların çoxunun bu mesaja fikir verməməsinə rəğmən, klub rəhbərliyi radikal qərar alaraq 9 futbolçu ilə yolların ayrılması qərarını verib. Bu futbolçulara cəmi 9600 İsveçrə frankı ödənəcək.

İsveçrə Futbolçular Birliyi bu qərara etiraz edərək komandanı dərhal bu qərarından geri dönməsini tələb edib. Onlar futbolçuların hüquqlarının pozulduğunu ifadə edirlər.

Bu 9 futbolçuların arasında Arsenal`ın köhnə futbolçuları Alex Song, Johan Djourou, CSKA Moscow`ın köhnə üzvü Seydou Doumbia da var. Onların rəsmi qurumlara etiraz edib-etməyəcəyi maraq doğurur. Bu absurd və ədalətsiz qərardan sonra Sion klubunun gələcəkdə yeni oyunçu gətirərkən böyük çətinliklər yaşayacağı aşikardır.