Guardiola: Arsenal`a hörmətim yoxdur

Liqa Kubokunun yarımfinalında Arsenal`a 2-0 hesabı ilə məğlub olduqdan sonra ispaniyalı mütəxəssis mətbuat konfransında qəribə açıqlama verib.

ONBİR onun sözlərini sizə təqdim edir:

“Görüşün ilk hissəsində zəif çıxış etdik, buna görə də məğlub olduq.

Biz məğlub olduqda belə rəqibi təbrik etməyi bacaran bir kollektivik. Rəqiblərə meydanda hörmətim sonsuzdur.

Lakin Arsenal`a meydandan kənarda hörmət etdiyimi deyə bilmərəm. İstənilən halda, onlar çox gözəl futbol oynadılar, finalda rəqibimizə uğurlar arzulayırıq.”

Guardiola`nın bu cür sərt çıxış etməsinin səbəbi isə bəlli deyil. İddia olunur ki, Pep`i əsəbləşdirən amilin Arsenal`ın idman məhkəməsinə City`nin ÇL`dan ban olunması üçün müraciət edən klubların siyahısında olmasıdır.