Aftandil Hacıyev: Əfran İsmayılovun ən yaxşı olması cavanlar üçün utancdır

Səbail`in baş məşqçisi Aftandil Hacıyev Neftçi`yə uduzduqları oyundan sonra (1:3) keçirilən mətbuat konfransında maraqlı fikirlər səsləndirib.

ONBİR gənc mütəxəssisin açıqlamalarını təqdim edir:

“Bu matç bizim üçün göstərici deyil. Rəqibin qarşıdakı hədəfləri bizdən fərqlənir. Amma o demək deyil ki, kimdənsə çəkinək. Ən azı bir xal qazana bilərdik. Səhvlərdən qollar buraxdıq. Futbolçular ikinci qoldan sonra daha da irəli atıldılar. Rəqibi təbrik edirəm və uğurlar arzulayıram.

3 gün sonra Zaqatala ilə matça hazırlaşacağıq. İlk hissədə son saniyələrdə qol buraxmaq futbolçulara təsir etdi. Futbolçuların fiziki durumu da hamısında eyni deyil. “Neftçi”yə qarşı isə hər xırda detal önəmlidir. İki qoldan sonra nə qədər çalışdıq, amma alınmadı. Qol epizodları yaratsaq da, yararlana bilmədik. Tək Əfran İsmayılov yox, digər oyunçular da səhv etdilər. Bəzən sonluq istədiyimiz kimi alınmır.

“Turan Manafov U-21-də oynayır, amma digərləri millidə yoxdur. Çalışırıq ki, onları qazanaq. Bu gün hazır olmayana şans vermirik. Əfran bu mövqedə ən yaxşıdırsa, cavanlar üçün utancvericidir. Komanda sayı çox olsaydı, onları digərlərinə oynamaq üçün icarəyə verərdik. Gənclərlə bağlı problemlər var”.

(Qol.az)

The post Aftandil Hacıyev: Əfran İsmayılovun ən yaxşı olması cavanlar üçün utancdır appeared first on ONBİR.