Kairat`ın erməni oyunçusu: Bakıya getmək istəyim onsuz da yox idi

UEFA Konferans Liqası çərçivəsində keçiriləcək Qarabağ – Kairat matçında qonaq komandanın oyunçusu Kamo Hovhannisyan iştirak etməyəcək.

ONBİR 29 yaşlı yarımmüdafiəçinin MATÇ TV-ə verdiyi açıqlamanı qol.az saytına istinadən təqdim edir:

“Yalnız deyə bilərəm ki, Bakı mənim təhlükəsizliyimə zəmanət verə bilməz. Onsuz da ora getmək istəyim yox idi. Amma getməyə və oynamağa hazır idim. Kairat`a yalnız qələbə arzulayıram. Mənsiz də istənilən rəqibi məğlub edə bilərlər. Yaxşı komandamız var”.

Qeyd edək ki, UEFA Konferans Liqasının 3-cü turunda keçiriləcək görüş oktyabrın 21-i baş tutacaq.