Соьлж-ГIалахь даздира "Хьалхара Май"

Нохчийчохь а даздина "Хьалхара Май". Chechnyatoday.com сайто бинчу хаамца, даздаршна лерина акцеш хилла республикан кIошташкахь а, гIаланашкахь а.


Соьлж-ГIалахь даздар вовшахтоьхнера "Сийлаллин аллей" олучу дагалецаман комплексна хьалхарчу майданахь. Цуьнан декъашхоша айина дара цхьацца йозанаш тIехь долу кIедеш а, лоппургаш а, Оьрсийчоьнан а, Нохчийн Республикан а байракхаш а. 


Хьалхо "Кавказский узело" хаам бинера, цу даздаршкахь дакъалаца декхарелахь бина бюджетера алапа оьцуш болу белхахой а, студенташ а аьлла.