Марха достуш тIалибашца тIом сацийна ОвхIанистанехь

Кху беттан 20-чу дийне кхаччалц тIалибашца тIом бар сацадо шаьш аьлла, дIакхайкхийна ОвхIанистанан президенто ГхIани Ашрафа. И сацам боьзна бу Мархийн бутт дIабоьрзуш хиларца.


Делахь а офхIанхойн президенто цу маслаIат дарна юкъаръяьккхина кхин йолу тIеман тобанаш, шайна юкъахь "Исламан пачхьалкх" а, "Ал Кайда" а, кхин ерш а йолуш.


ГхIанис шен дIахьедар дина, махкахь масcанхьа а исламан тобанийн тIелетарш шорлуш а долуш.


ТIалибаша шайга кховдийначу машарна цкъачунна жоп делла дац.