Нохчийн полиглотна петар елла Кадыровн фондо
Нохчийчуьрчу дукха меттанша хуучу Эскаев Артурна чохь Iен хIусам елла махкарчу Кадыров Ахьмадан цIарахчу фондо. Соьлжа-ГIалин мэро Хучиев Муслима а, полицин куьйгалхочо Кадыров Хас-Мохьмада а дIаделла Эскаевга чохь мел оьшу йийбар хIоттийначу петаран догIанаш. ВКонтактерчу шен пена тIехь Кадыров Рамзана бина и хаам.
"Нохчийчохь тIемаш боьлхучу заманчохь хIусам йохийна, чохь Iен меттиг йоцуш висинера Эскаев. Иза хиъначу фондан президенто Кадырова Айманис тIедиллира, цунна хIусам ялар", - аьлла, билгалдаьккхина мехкан куьйгалхочо.
36 кхечу пачхьалкхийн меттанаш хууш хиларца гIараваьлла Эскаев. Карарчу хенахь Соьлжа-ГIалахь ингалсан мотт хьоьхуш ву иза ша юкъаяьккхинчу методикаца.
"Нохчийчохь тIемаш боьлхучу заманчохь хIусам йохийна, чохь Iен меттиг йоцуш висинера Эскаев. Иза хиъначу фондан президенто Кадырова Айманис тIедиллира, цунна хIусам ялар", - аьлла, билгалдаьккхина мехкан куьйгалхочо.
36 кхечу пачхьалкхийн меттанаш хууш хиларца гIараваьлла Эскаев. Карарчу хенахь Соьлжа-ГIалахь ингалсан мотт хьоьхуш ву иза ша юкъаяьккхинчу методикаца.