ДIадирзина Нохчийчуьра кегийрхой эскаре бигар

Нохчийчуьра 400 жима стаг хьажийна Оьрсийчоьнан эскаран Къилба тIеман гонерчу дакъошка. Кхин а 100 кегийрхочо гIуллакх дийр ду Нохчийчоьнан территорина тIехь. Цунах лаьцна хаам бина республикерчу военкоматехь, яздо "Кавказский узело".


Болчу хаамца, нохчийн кегийрхоша тIеман говзалла караерзор ю ГIирмехь а, Севастополехь а, Ставрополан махкахь а, Ростох кIоштахь а, Краснодаран махкахь а, Къилбаседа ХIирийчохь а долчу тIеман дакъошкахь.


Нохчийчохь витина 100 жима стаг юкъатоьхна Соьлж-ГIалахь а, Веданан кIоштахь а дIатардинчу Росгвардин дакъошна.