Дицдан омар делла нохчийн кинематографна а
Масех нохчийн кинояккхархо ву таханлерчу дийнахь нохчийн къомана тIехIиттинчу уггар чолхечу киртигах кинош йохуш – къам цIерадаккхарх а, даханчу бIешарахь Нохчийчохь бола а бина, берзазчу тIамах а лаьцна. Оьрсийчохь церан кинош гайта магийна яц, къаьмнийн юкъаметтигаш йохор ю цара аьлла, бахьана а хIоттийна. Амма цу пачхьалкхал арахьа цу киношна совгIаташ ло, похIмаллин лакхара мах хадош. Оццу хенахь, арахьарчу хьажархойн нохчех а, Нохчийчоьнах а лаьцна ойла хийцало.