Чиллан-Беттан 23-гIа де нохчаша дицдойла дац. Дицдойла дац, вай оьзда нах делахь, аьлла хета Оьрсийчоьнан Лакхарчу Советан куьйгалхо лаьттинчу, Оьрсийчоьнан Iилманийн академин декъашхо-корреспондент волчу Хасбулатов Русланна.
Советан Ιедало 1944 шарахь Чиллан-беттан 23-чу дийнахь вайнах бохийна де билгалдоккхуш нохчийн а, царех доглозучу бухарчу кхечу къаьмнийн векалийн а гуламаш бу дIахьура болуш бу Парижехь, Лондонехь, Варшавехь, Мюнхенехь, Венехь, Ослохь, Амманехь, Истамбулехь, иштта цхьамогΙа кхечу а гIаланашкахь. Оьрсийчохь и де даздеш ду Даймохк ларбархочуьнан де санна.
