Новости за 30.12.2017

Facebook-о агIо дIакъевлинчу Кадыров Рамзана тIечIагIдина, шен хилла адрес дIалаьцнарг "Креол Тревел" олу туризман компани хилла хилар. Шен Telegram-рчу аккаунтехь Кадыровс хаам бина, шен векалша цу компаница дийцарш дIадаьхьна хиларх лаьцна а, цуьнан куьйгалхой цу агIона тIера дIабовла реза хилла хиларх лаьцна а. Кадыровс чIагIдарехь, Facebook-хь цуьнан хиллачу аккаунтана доладеш ву цуьнан векал. Амма ша цуьнах пайда эца дагахь вац боху Нохчийчоьнан куьйгалхочо. Цуьнан бахьанашна юкъахь ду боху Кадыровс... Читать дальше...

…Керла Шо ши синхаам бохьуш догIу Венехь вехачу Якъубна. Цхьаъ делахь – шен доьзалерчу берашна дезаде. ШолгIа делахь – Нохчийчоь яккха баьхкинчу федералаша Соьлж-ГIалахь хIоттийна жоьжахати дагаэхар. 1994-чу Керлачу Шеран цIаро дагийна де-буьйса дагалоьцу тIемалочо.

Нохчийчуьрчу Iедалхоша, телевионехула а гойтуш, дов дина Шелахь цIенош дохош гойтуш видео яьккхинчу нахана. Цу гIалахь Кадыровн цIарахчу маьждиге а, "Шали-сити" лекхачу цIенойн комплексе некъ буьллуш йохош дIайохуш ю нехан хIусамаш. Парламентан куьйгалхочо Даудов Мохьмада гулбинера шелахой цхьана хIусамехь. Видеон авторш дIахIиттийнера сцени тIе, шайна дохкучу бехкашка цаьрга, массерна а гойтуш, ладогIийта. Сюжет гайтина ЧГТРК "Грозный" канало. Лецнарш бехке бина Даудовс Ичкерица зIенаш латторна. Читать дальше...

Кадыров Рамзана да-нана доцуш кхуьуш а, кхиъна а долчу 32 боберана керлачу петарийн догIанаш а, документаш а дIаделла, хаам бо цуьнан зорбанан сервисо. Царах цхьаъ ю, 5 бутт болуш да-нана а кхелхина, йисина хилла 23 шо долу Иласхан-Юьртара Бисиева Жаннат. Девашас кхаьбна йолу иза хIинца шен а 2 бер (2 шо а, 5 шо а) а долуш ехаш ю. Нохчийчоьнан куьйгалхочо дийцарехь, тIемаш бахьанехь 3 эзар гергга бераш дисина Нохчийчохь да-нана доцуш. Царна дахарехь дIанисбала луш ю Iедало хIусамаш. Кадыровс дийцарехь... Читать дальше...

Орсийчоьнан президенто Путин Владимира 29-чу дийнахь тIе кьуг таIийна терроризм лело ахчанца гIо динарш а, цунна юкъа нах ийзийнарш а баллалц чубохка бакъо луш долчу низамана. И тайпа зуламаш деш болчу нахана таIзар дан аьтто хир бу Оьрсийчохь бархI шо хан тохарна тIера валлалц чуволларна тIекхаччалц. ТАСС агенталло бинчу хаамца, хьалха Оьрсийчохь терроризмана юкъа нах ийзочу зуламхошна 10 шо хан тохара, набахтехь яккха.

23 шо хьалха, 1994-у шеран ГIуран-баттахь, луьра тIом болало Нохчийчохь. Оцу хенахь Оьрсийчохь президент хиллачу Ельцин Бориса, шен политикин хьелаш тодархьама, эскарш хьажадо Нохчийн Республике, низам а, къепе а, юкъараллин кхерамазалла а дIанисъян еза, олий. Оцу хенахь болийна болу тIом хIинца а буьззинчу барамехь бирзина бац махкахь.