Գանձասար-Կապանը կրկին հաղթեց և հավասարվեց Շիրակին
Հայաստանի Բարձրագույն խմբի առաջնության 11-րդ տուրում «Գանձասար-Կապանը» տանը 2 անպատասխան գնդակ է ուղարկել «Արարատի» դարպասը:
13-րդ րոպեին հանդիպման հաշիվը բացել է Գեղամ Հարությունյանը: Երկրորդ խաղակեսի միջնամասում կապանցիների առավելությունը կրկնապատկել է Լուբամբո Մուսոնդան՝ ձևակերպելով խաղի վերջնական հաշիվը:
Այս հաղթանակի շնորհիվ «Գանձասար-Կապանը» վաստակել է 18 միավոր և հավասարվել երկրորդ տեղում ընթացող «Շիրակին»: «Արարատը» 6 միավորով եզրափակում է մրցաշարային աղյուսակը:
Լուսանկարը՝ կապանցիների ֆեյսբուքյան էջից: