Նյու Յորքում լուսնոտ տղամարդն ընկել է ութերորդ հարկից և ողջ մնացել (լուսանկարներ)
Նյու Յորքում քնած տղամարդն ընկել է ութերորդ հարկից և ողջ մնացել: Այս մասին հայտնում է New York Post-ը:
Աղբյուրի տվյալների համաձայն՝ հունվարի 27-ին տեղական ժամանակով առավոտյան ժամը 05:00-ի սահմաններում բանվոր Ռոնդի Ֆոթիսեյնը վարտիքով դուրս է եկել իր բնակարանի պատուհանից: Չարթնանալով՝ նա ընկել է վեց հարկ ներքև գտնվող փայտամածի վրա:
Նշվում է, որ 35-ամյա տղամարդու ոտքը և կողոսկրը ջարդվել են, ինչպես նաև վնասվել է մեջքը: Նա տեղափոխվել է հիվանդանոց:
Ֆոթիսեյնը պատմել է, որ փոքր ժամանակ տառապել է լուսնոտությունից: Տուժածի ընկերուհու խոսքով՝ քնելուց առաջ նա քնաբեր է ընդունել: