Ռուսական սպորտի հայկական ձայնը. մեկնաբան Նոբել Առուստամյանն առաջադրվել է «ՏԷՖԻ» հեռուստատեսային մրցանակին
Ռուսաստանում բնակվող և աշխատող հայտնի մարզական մեկնաբան Նոբել Առուստամյանն առաջադրվել է ռուսական ազգային հեռուստատեսային մրցանակի՝ հեռուստատեսային արվեստների ոլորտում բարձրագույն նվաճումների համար (ՏԷՖԻ):
Ինչպես հայտնում է Rusarminfo-ն, մեկնաբանն առաջադրվել է հեղինակավոր մրցանակաբաշխության «Մարզական հաղորդման հաղորդավար/մարզական մեկնաբան» անվանակարգում, որին ևս 5 մեկնաբան է հավակնում:
Մրցանակի դափնեկիրների անունները հայտնի կդառնան հոկտեմբերի 3-ին: Հենց այդ օրը կկայանա ՏԷՖԻ հեռուստատեսային մրցանակի հանձնման հանդիսավոր արարողությունը: