Սան Ֆրանցիսկոյում կողոպտել են Ջենիֆեր Լոպեսի փեսացուին

Սան Ֆրանցիսկոյում թալանել են երգչուհի Ջենիֆեր Լոպեսի փեսացու Ալեքս Ռոդրիգեսին՝ շուրջ 500 000 դոլարի թանկարժեք իրեր և էլեկտրատեխնիկա գողանալով:

Ինչպես տեղեկացնում է РИА Новости-ն՝ հղում անելով տեղի լրատվամիջոցին, միջադեպը տեղի է ունեցել կիրակի երեկոյան: Ոստիկանության ներկայացուցչի խոսքով՝ հանցագործները տարել են լուսանկարչական սարք, նոթբուք, տարբեր ոսկերչական իրեր և պայուսակ:

Ոստիկանը չի բացահայտել տուժածի ինքնությունը, սակայն որոշ աղբյուրներ հայտնել են, որ այդ ամենը գողացել են Ռոդրիգեսի մեքենայից: