Լիվերպուլն անգերազանցելի է. թիմը դարձավ 2019 թ.-ի աշխարհի ակումբային չեմպիոն

Աշխարհի ակումբային առաջնության եզրափակչում «Լիվերպուլը» հանդիպեց բրազիլական «Ֆլամենգոյին»:

Առաջին խաղակեսի ընթացքում բրազիլական ակումբը լուրջ դիմադրություն ցույց տվեց «Լիվերպուլին»: Նրանք պրեսինգի շնորհիվ կարողացան Կլոպի թիմին ստիպել հետ կանգնել իր մարտավարությունից: Իսկա ահա երկրորդում  հավասար պայքար էր:

Հանդիպման ավելացված ժամանակում մրցավարը սխալմամբ անգլիական ակումբի օգտին նշանակեց 11 մետրանոց, ապա՝ դիտելով դրվագի կրկնությունը չեղարկեց իր որոշումը:

Ավելացված առաջին խաղակեսի 99-րդ րոպեին «Լիվերպուլը» հասավ իր նպատակին: Մանեն աջ եզրով անցում կատարեց ՝ գնդակը փոխանցելով տուգանային հրապարակ, իսկ Ֆիրմինոն վստահ հարվածով բացեց հանդիպման հաշիվը:

Երկրորդ ավելացված խաղակեսում Կլոպի գլխավորած թիմը պահպանեց հաղթական հաշիվը և նվաճեց չեմպիոնի տիտղոսը:

Հիշեցնենք, որ նախորդ մրցաշրջանում էլ «Լիվերպուլը» հաղթեց Չեմպիոնների լիգան:

The post Լիվերպուլն անգերազանցելի է. թիմը դարձավ 2019 թ.-ի աշխարհի ակումբային չեմպիոն appeared first on ԳԱԼԱ.