სააკაშვილი: გამოაცხადებენ გაყალბებულ შედეგებს, ჩვენ უნდა მოვემზადოთ ქუჩაში დგომისთვის

საქართველოს მესამე პრეზიდენტი მიხეილ სააკაშვილი ფიქრობს, რომ „ქართული ოცნება“ 2024 წლის საპარლამენტო არჩევნებს წააგებს, თუმცა გაყალბებული შედეგები გამოცხადდება. პატიმრობაში მყოფმა სააკაშვილმა ამის შესახებ თბილისის საქალაქო სასამართლოში ისაუბრა, კლინიკა „ვივამედიდან“ ონლაინჩართვის დროს. დღეს სასამართლოში გაგრძელდა 2007 წლის 7 ნოემბრის აქციის ძალადობრივად დაშლის საქმის განხილვა, საქმეში ექსპრეზიდენტი სააკაშვილია ბრალდებული.