Сейсенбіде еліміздің басым бөлігінде күн қатты ысиды

АСТАНА. ҚазАқпарат - Сейсенбі күні Қазақстанның басым бөлігінде ауа райы тұрақсыз болады. Кей жерлерде найзағай жарқырап, жаңбыр жауып, жел күшейеді. Күндіз оңтүстікте шаң көтеріліп, солтүстік батыста түнде және күндіз тұман түсуі ықтимал. Оңтүстік шығыста, шығыс аймақтардың басым бөлігінде және республиканың орталығында күн қатты ысиды. Республиканың оңтүстігі мен оңтүстік батысында жауын жаумайды, деп хабарлайды «Қазгидромет» РМК.