ОҚО-да алдағы жылы 13,8 мың гектар суармалы жер айналымға қосылады

ШЫМКЕНТ. ҚазАқпарат - Оңтүстік Қазақстан облысы алдағы жылы негізгі 4 бағытта дамитын болады. Олар: өндіріс, егістік, мал шаруашылығы және туризм саласы. Осы аталған 4 саланы дамытуда аудан, қала әкімдері мен жауапты сала басшылары жұмыстарын жандандыруы керек. Бүгін бұл туралы облыстық әкімдікте өткен селекторлық жиында Оңтүстік Қазақстан облысының әкімі Жансейіт Түймебаев мәлім етті.