Мемлекет оқытқан дәрігерлерді ауылдарға жібереміз - министр

ТҮРКІСТАН. ҚазАқпарат - Келер жылдан бастап мемлекет есебінен оқыған дәрігер мамандар жұмыс істеу үшін ауылдарға жіберіледі. Олардың әлеуметтік жағдайлары жақсарып, жалақылары 20 пайызға көтеріледі. Бұл туралы бүгін еліміздің Денсаулық сақтау министрі Елжан Біртанов Түркістан облысына жасаған сапары барысында айтып өтті, деп хабарлайды ҚазАқпарат тілшісі.