Мәскеу турнирінде Денис Тенге арналған баннерлер ілінді
МӘСКЕУ. ҚазАқпарат - 16 қараша күні Мәскеуде мәнерлеп сырғанаудан Гран-при сериясының бесінші кезеңі басталды. «Мегаспорт» мұз айдынында қайғылы жағдайда өмірден озған қазақстандық мәнерлеп сырғанаушы, Олимпиада ойындарының жүлдегері Денис Тенді еске алуға арналған плакаттар мен баннерлер ілінді. Бұл туралы ҚазАқпарат Қазақстанның Ресей Федерациясындағы Елшілігінің ресми сайтына сілтеме жасап хабарлайды.