Канибадамдағы қанды оқиғалар: екі адам сотталып кетті, күдікті төртеу енді ұсталды. Қылмыскер кім?
Тәжікстанның солтүстігіндегі Канибадам деген шағын қаланың аты қазір ел аузынан түспей тұр – мұнда бір жыл ішінде жеті отбасын айуандықпен өлтіріп кетті. Барлығы 23 адам мерт болды, оның сегізі – бала. Тоғыз ай өткенде Бас прокуратура қылмыстарға күдікті ретінде төрт адам – бәрі де жергілікті тұрғындар – ұсталғанын хабарлады. Бұрынырақ осы қылмыстардың кейбірін жасаған болуы мүмкін деген күдікпен ұсталып, жазаға кесілгендер болған. Бір адам өмір бойына бостандығынан айырылған.