Қазақстандағы аяз кезінде Тәжікстанның 81 азаматы құтқарылды
Қазақстанда қатты аяз кезінде Тәжікстанның 81 азаматы құтқарылды. Бұл туралы Қазақстан төтенше жағдай министрлігі хабарлады.
Ведомствоның мәліметінше, Көкшетау қаласындағы қатты аяз кезінде автобус тоқтатылған. Автобуста Тәжікстанның 81 азаматы (17-сі бала) болған.
"Төтенше жағдай министрлігінің қызметкерлері мен полиция жолаушыларды эвакуациялап, адаптация орталығына және қаладағы қонақ үйге орналастырды. Жолаушыларға көмек көрсетілді. Эвакуацияланған адамдар құтқарушыларға көмегі үшін алғыс айтты" деді министрлік хабарламасында.
Тәжікстан азаматтары қайда кетіп бара жатқаны айтылмады. Әдетте Тәжікстан азаматтары автобуспен Қазақстан арқылы Ресейге барады. Ұшақ билетінің қымбаттығына байланысты мыңдаған тәжікстандықтар Ресейге автобуспен қатынауға мәжбүр.