Иранның Израильге шабуылынан 100-ден астам адам зардап шекті

21 наурызда Иранның Израильдің оңтүстігіндегі Димона мен Арад қалаларына жасаған баллистикалық ракета шабуылынан 100-ден астам адам зардап шекті.

Шабуыл аймақтағы ядролық нысандарға бағытталған деп айтылады.

Бес жасар қызды қоса алғанда, кем дегенде 10 адамның жағдайы ауыр екені айтылды.

Димонадан 10 шақырым және Арадтан 30 шақырым қашықтықта орналасқан ядролық зерттеу орталығына зақым келмеген.

Шабуыл кезінде бірқатар тұрғын үй қирады.

Халықаралық атом энергиясы агенттігі (МАГАТЭ) екі тарапты да «барынша ұстамдылық танытуға» шақырды.

The Times of Israel басылымынің жазуынша, Израиль билігі әскердің ирандық зымырандарды ата алмауына байланысты оқиғаны тергейді.

Иран Арад пен Димонаға соққы бермей тұрып Израиль Иранның Натанздағы ядролық нысанына соққы жасағанын мәлімдеген еді. Көп ұзамай жергілікті телеарналар Тегеран Тель-Авив соққысына жауап бергенін хабарлады.

Израиль әскері Тегерандағы Малек-Аштар ядролық университетінің орталығы нысанаға алынғанын растады, бірақ Натанзға жасалған шабуылға қатысты түсініктеме берген жоқ.