Қазақстандықтар арасында автонесиеге сұраныс азайды
2026 жылғы I тоқсан қорытындысы бойынша банктер Қазақстанда автонесиеге сұраныс төмендегенін атап өтті, деп хабарлайды Tengri Auto тілшісі ҚР Ұлттық банкі мәліметтеріне жасап.
Автосалондар несиеге сатып алудың тиімді шарттарын сирек ұсына бастауына байланысты автонесиеге сұраныс төмендегені атап өтілді. Бұдан бөлек, жаңа көліктер арзандады, сондықтан сатып алушылардың бір бөлігі көлікті қарызсыз сатып алды немесе несиені аз сомаға рәсімдеді.
Нәтижесінде автонесиеге берілген өтінімдер саны алдыңғы тоқсанмен салыстырғанда 20 пайыз төмендеп, 1,2 миллион болды, ал өтінімдердің орташа көлемі 12 пайыз артып, 7,2 миллион теңгеге дейін жетті.
2025 жылы автонесиелеу өскен
Еске сала кетейік, былтырғы жылдың қорытындысы бойынша автонесие берілген қаражат көлемі жағынан алғаш рет ипотекамен теңесті. Қазақстан қаржыгерлері қауымдастығының мәліметінше, қазақстандықтар 2,4 триллион теңге сомасына автонесие рәсімдеген. Бұл 2024 жылмен салыстырғанда шамамен 30 пайызға көп.
Бұған дейін Қазақстанда 1 шілдеден бастап несие беру ережелері өзгеретіні хабарланған болатын.