Астанада күн салқындаса, Алматыда 33 градус ыстық болады

"Қазгидромет" синоптиктері Алматы мен Астананың 15, 16 және 17 тамызға арналған ауа райы болжамын ұсынды, деп хабарлайды Tengrinews.kz.

Болжам бойынша, елордада жаңбыр жауып, күн күркірейді және ауа температурасы едәуір төмендейді, ал Алматыда +33 градусқа дейін аптап сақталады.

Астанадағы ауа райы

18 тамыз Астанада күн бұлтты болады, жауын-шашын күтілмейді. Түнде ауа температурасы +10...+12 градус, күндіз +23...+25 градус болады. Оңтүстік-батыстан соғатын желдің жылдамдығы секундына 9–14 метр, күндіз екпіні 15–20 метрге дейін жетуі мүмкін.

19 тамыз ауа райы өзгереді: күндіз жаңбыр жауып, күн күркірейді деп күтіледі. Түнде +10...+12 градус, күндіз +22...+24 градус болады. Солтүстік-батыстан соғатын желдің жылдамдығы секундына 9–14 метр.

20 тамыз жаңбыр жауып, күн күркірейді деп болжанады. Температура түнде +8...+10 градусқа дейін төмендейді, күндіз ауа тек +20...+22 градусқа дейін жылынады. Солтүстік-батыстан соғатын желдің жылдамдығы секундына 9–14 метр.

Алматыдағы ауа райы

18 тамыз күн бұлтты болады, таңертең және күндіз аздап жаңбыр жауып, күн күркірейді. Түнде температура +19...+21 градус, күндіз ауа +31...+33 градусқа дейін жылынады. Солтүстік-шығыстан соғатын желдің жылдамдығы секундына 3–8 метр, кей кездері екпіні 11 метрге дейін жетеді.

19 және 20 тамызда жауын-шашын күтілмейді. Түнде +18...+20 градус, күндіз +31...+33 градус болады. Солтүстік-шығыстан соғатын желдің жылдамдығы секундына 3–8 метр.

Қазақстанда ауа райы күрт өзгереді

Бұған дейін синоптиктер таяу күндері Қазақстанда ауа райы күрт өзгеретінін хабарлаған болатын. Атап айтқанда, 18-20 тамыз аралығында елдің басым бөлігінде жаңбыр жауып, күн күркірейді, қатты жел соғып, кей жерлерде бұршақ жаууы мүмкін. Сонымен қатар батыста +41 градусқа дейін аптап сақталса, солтүстікте күндізгі температура +17...+22 градусқа дейін төмендейді. Толығырақ осы жерден оқыңыз.