2027 жылы АЕК өседі: қандай әрекет үшін көбірек төлеуге тура келеді?

2027 жылы қазақстандықтар жиі жасалатын бірқатар әкімшілік құқық бұзушылық үшін көбірек төлеуге мәжбүр болады. Мәселе мынада: айлық есептік көрсеткішке (АЕК) байланысты айыппұлдар мөлшері онымен бірге өседі. Келесі жылы қандай теріс қылықтар қымбатқа түсетінін Tengrinews.kz тілшісінің материалынан оқыңыз.
АЕК өседі
Айлық есептік көрсеткіш (АЕК) – бұл мемлекет жыл сайын белгілейтін сома. Қазақстанда АЕК айыппұлдарды, салықтарды, жәрдемақыларды және басқа да төлемдерді есептеу үшін қолданылады.2027 жылы АЕК-ті 4 693 теңгеге дейін ұлғайту жоспарланып отыр. Қазір оның мөлшері 4 325 теңге. Сондықтан АЕК-пен есептелетін айыппұлдар да өседі.
Маңызды: Әзірге бұл тек бюджет жобасы. Ол қоғамдық талқылауға шығарылды, сондықтан сандар әлі де өзгеруі мүмкін.
Талқылаудан кейін жобаны Құрылтай қарайды. Депутаттар өзгерістер енгізуі мүмкін. Бюджеттің түпкілікті параметрлері ол қабылданып, Президент қол қойғаннан кейін белгілі болады.2027 жылы айыппұлдар қалай өзгеруі мүмкін?
Егер АЕК 4 325 теңгеден 4 693 теңгеге дейін өссе, жаза мөлшері келесідей өзгереді.Қоғамдық орындарда балағат сөздер айтуҰсақ бұзақылық, оның ішінде қоғамдық орындарда балағат сөздер айтқаны үшін 20 АЕК көлемінде айыппұл қарастырылған. 2026 жылы бұл – 86 500 теңге. Ал 2027 жылы – 93 860 теңге болады.
Ортақ пайдаланылатын орындарды ластауҚоқыс тастағаны және саябақтарды, скверлерді және басқа да қоғамдық орындарды ластағаны үшін айыппұл мөлшері:

бірінші рет бұзғаны үшін – 10 АЕК: 43 250 теңге болған, 46 930 теңге болуы мүмкін;бір жыл ішінде қайталап бұзғаны үшін – 20 АЕК: 86 500 теңге болған, 93 860 теңге болуы мүмкін.

Қоғамдық орындарда алкоголь ішу және мас күйде болу
Айыппұл мөлшері АЕК-ке байланысты:

ең төменгі – 5 АЕК: 2026 жылғы 21 625 теңгеден 2027 жылы 23 465 теңгеге дейін;бір жыл ішінде қайталап бұзған жағдайда – 10 АЕК: тиісінше 43 250 теңгеден 46 930 теңгеге дейін.

Вандализм
Вандализм үшін қылмыстық жауапкершілік қарастырылған. Қылмыстық кодекстің 294-бабы бойынша айыппұл 100-ден 2 000 АЕК-ке дейінгі мөлшерде.
Осылайша:

ең төменгі айыппұл – 432 500-865 000 теңгеден 469 300-938 600 теңгеге дейін өсуі мүмкін;ең жоғарғысы – 2,1-8,6 миллион теңгеден 2,3-9,3 миллион теңгеге дейін.

Егер вандализм актісін кәмелетке толмаған бала жасаса – заңда қарастырылған жағдайларда ата-анасы немесе заңды өкілдері әкімшілік жауапкершілікке тартылуы мүмкін. 15 АЕК көлеміндегі айыппұл 2026 жылғы 64 875 теңгеден 2027 жылы 70 395 теңгеге дейін өсуі мүмкін.Ұсақ бұзақылық: ғимараттар мен мүлікті қорлауҒимараттарды, құрылыстарды, ортақ пайдаланылатын орындарды, көліктегі және басқа да қоғамдық орындардағы мүлікті қорлағаны үшін 50 АЕК көлемінде айыппұл қарастырылған:

2026 жылы – бұл 216 250 теңге;2027 жылы – 234 650 теңге.

Тағы да еске сала кетейік, 4 693 теңге мөлшеріндегі АЕК – бұл әзірге 2027–2029 жылдарға арналған бюджет жобасындағы көрсеткіш. Заң қабылданғанға дейін сома өзгеруі мүмкін.25 тамызда Үкімет отырысында Қаржы министрлігі 2027 жылға арналған республикалық бюджет жобасын таныстырды. Мемлекет қанша ақша алуды, қанша жұмсауды жоспарлап отыр және негізгі шығындар қайда бағытталады – сілтеме арқылы оқыңыз.
Тағы оқыңыз: 2027 жылға арналған ең төменгі жалақы мөлшері аталды