Мұрат Мұханов ТЖМ басшысы болып тағайындалды
Мұрат Мұханов Қазақстанның Төтенше жағдайлар министрі болып тағайындалды, деп хабарлайды Tengrinews.kz. Ол бұған дейін ТЖМ аппаратын басқарған.
"Мұрат Сейтмолдаұлы Мұханов Қазақстан Республикасының Төтенше жағдайлар министрі лауазымына тағайындалды", - делінген Президент жарлығында.
Мұрат Мұхановтың өмірбаяны
Мұрат Мұханов 1985 жылы Маңғыстау облысында дүниеге келген. Азаматтық қорғау жүйесінде 2002 жылдан бері қызмет етіп келеді.
2006 жылы Қазақстан ТЖМ Көкшетау техникалық институтын, 2020 жылы Ресей ТЖМ Санкт-Петербург мемлекеттік өртке қарсы қызмет университетін тәмамдаған.
Қызмет жолын Мәлік Ғабдуллин атындағы Азаматтық қорғау академиясының курсанты ретінде бастаған. Кейін нормативтік-техникалық бөлімнің бас маманынан бастап Маңғыстау облыстық Төтенше жағдайлар департаментінің басшысына дейінгі жолдан өтті.
2006-2010 жылдар аралығында мемлекеттік өрт бақылау саласында түрлі лауазымдарда болды. 2010 жылы мемлекеттік өрт бақылау бөлімін, 2016 жылы өрт қауіпсіздігі саласындағы бақылау және профилактикалық қызмет басқармасын басқарды.
2017 жылдан бастап Маңғыстау облыстық ТЖД бастығының орынбасары, ал 2020 жылы департамент басшысы қызметін атқарды.
2026 жылдың маусым айынан бастап - Төтенше жағдайлар министрлігі аппаратының басшысы.