Шымкент тұрғыны аза тұту күні туралы айтқан сөздері үшін қамауға алынды

Шымкенттің 21 жастағы тұрғыны TikTok-тағы тікелей эфир кезінде аза тұту күніне қатысты айтқан сөздері үшін қамауға алынды. Сонымен қатар ол және эфирдің тағы екі қатысушысы профилактикалық есепке қойылды, деп хабарлайды Tengrinews.kz Polisia.kz-ке сілтеме жасап.
Полиция қызметкерлері тікелей эфирді әлеуметтік желілерге мониторинг жүргізу барысында анықтаған.

"Трансляция кезінде Шымкенттің 21 жастағы тұрғыны көрерменнің аза тұту күніне байланысты сұрағына жауап бере отырып, қоғамға анық құрметсіздік танытатын және қоғамдық тәртіпті бұзатын мәлімдемелер жасады", - деп хабарлады полиция.

Сот шешімімен жас жігіт 10 тәулікке қамауға алынды.
Онымен бірге эфирге тағы екі 22 жастағы азамат қатысқан. Үшеуіне де қоғамға жат мінез-құлыққа жол бермеу туралы ресми ескерту жасалды. Сондай-ақ олар ішкі істер органдарында бір ай мерзімге профилактикалық есепке қойылды.