Новости за 13.01.2026

Кошмо Штаттардын президенти Дональд Трамп Ирандагы нааразылык акцияларына чыккан жарандарга "жардам жолдо" экенин билдирди. Трамп 13-январда социалдык тармактагы билдирүүсүндө ирандыктарды бийликке каршы нааразылыкты улантууга чакырып, демонстранттарды "негизсиз өлтүрүү токтомоюнча" ирандык расмий өкүлдөр менен бардык жолугушууларды жокко чыгарганын жазды. Укук коргоо уюмдары билдиргендей, Иран бийлиги демонстрацияларды катаал күч менен басып, 600дөн ашуун адам каза тапканын билдирүүдө. Ал эми Reuters аты-жөнү аталбаган расмий өкүлгө таянып... Читать дальше...

12-январда Мирсаид Миррахимов атындагы Улуттук кардиология жана терапия борборунун директору Талантбек Сооронбаев жана Жүрөк хирургиясы жана органдарды трансплантациялоо илимий-изилдөө институтунун директору Самидин Шабыралиев кызматтарынан алынды. 11-январда Саламаттыкты сактоо министринин орун басары Бакытбек Кадыралиев аталган мекемелерди текшерип барган.

Израилдин дрон чабуулунан 12-январда Газанын борбордук бөлүгүндөгү Мораг коридоруна жакын жерде ок атышпоо сызыгынан өтүп кеткен үч палестиналык каза тапты. Бул тууралуу жергиликтүү ооруканалардын өкүлдөрү билдиришти. Израилдин армиясы билдиргендей, ал үч адам аскерлерге жакындап, "коркунуч жараткан". Аскерлердин айтымында, кийин алардын жанынан курал-жарак жана чалгындоо жабдуулары табылган. Чабуул Газада башкарууну көзөмөлдөй турган "Тынчтык кеңеши" (Board of Peace) ушул аптада жарыяланат деп күтүлүп жаткан маалда жасалды. Читать дальше...

2025-жылы Бишкек-Ош жолундагы "Сосновка" жана "Кара-Көл" туннел бекеттеринен өткөн автоунаалардан 300 млн 226 миң сом чогулду. Бул мурунку жылга салыштырмалуу 35.48% көп экенин Транспорт жана байланыш министрлигинин басма сөз кызматы 13-январда билдирди. Аталган посттордо коррупциянын алдын алуу жана адам факторун жокко чыгаруу максатында мурдараак жолго төлөмдү накталай эмес, терминалдар аркылуу төлөө системасы ишке киргизилген. "Натыйжада жарандар аталган постто акчалай төлөмдү терминалдарда QR... Читать дальше...

Баткендин Жаңы-Жер айылында суу тартыштыгынан улам жашоо-турмуш оорлошуп, анын запкысын жергиликтүү жамааттар да тартчу. Айылдык айымдар демилге көтөрүп, эл аралык уюмдун колдоосу менен күн панелдерин орнотуп, суу чыгарып, 5 гектар жерди иштетип баштады.

Кыш капортолоп калганда кыргыз адабиятынын бир капшыты эңшерилди. Алтымыш жылдан ашуун өмүрүн “Манас” эпосун изилдөөгө арнаган окумуштуу Раиса Кыдырбаева дүйнө салды. Анын орус тилинде жазган макалалары кыргыздын улуттук мурасынын дүйнөгө таанылышына чоң салым кошкон.

12-январь күнү Кыргызстандын тышкы иштер министринин орун басары Медер Абакиров АКШнын Кыргызстандагы элчиси Лесли Вигери менен жолугушту. Анда тараптар кыргыз-америка кызматташтыгынынын актуалдуу маселелери боюнча пикир алмашып, эки тараптуу мамилелерди мындан ары өнүктүрүү мүмкүнчүлүктөрүн талкуулашты. Тышкы саясат мекемесинин басма сөз кызматы кабарлагандай, жолугушууда ошондой эле АКШнын Кыргызстандын жарандарына B-1/B-2 категориядагы визаларды берүүдө киргизген кошумча талаптарына байланыштуу маселелерге көңүл бурулду. Читать дальше...

АКШда жайгашкан Human Rights Activists News Agency (HRANA) уюмунун 12-январдагы маалыматына караганда, Иранда нааразылык акциялары башталган эки жумадан бери өлгөндөр 646 кишиге жетти, арасында тогуз бала бар. Ал эми Iran Human Rights уюму 648 киши өлгөнүн кабарлады. Камакка алынгандар 10 миңден ашып кетти. 12-январда каза тапкандар 500дөн ашканы айтылган. Иш жүзүндө өлгөндөр мындан көп болушу ыктымалдыгын укук коргоочулар белгилеп келишет. Иранда өкмөткө каршы демонстрациялар уланып жатканына 13-январда 17 күн болду. Читать дальше...

АКШ өз жарандарын Ирандан токтоосуз чыгып кетүүгө чакырды. Мындай билдирүү 13-январда Кошмо Штаттардын Тегерандагы виртуалдык элчилигинин сайтында жайгаштырылды. "Ирандан тез арада чыгып кеткиле. АКШ өкмөтүнүн жардамына таянбай Ирандан чыгуунун планын караштыргыла. Эгер кете албай калсаңар, өз үйүңөрдө же башка имараттарда коопсуз жай тапкыла. Тамак-аш, суу, дары-дармек жана башка керектүү буюмдарды камдап алгыла", – деп жазылган маалыматта. Анда жазылгандай, америкалык жарандар интернеттин чектелишине даяр болуп... Читать дальше...

Жаңы жылдан тарта "Салык салуу, социалдык камсыздандыруу жана салыктык эмес кирешелер чөйрөсүндө айрым мыйзам актыларына өзгөртүүлөрдү киргизүү жөнүндө" мыйзам күчүнө кирди. Ага ылайык, экономиканын айрым тармактарында жана жеке адамдар үчүн салыктык жеңилдиктер иштей баштайт. Мамлекеттик салык кызматы түшүндүрмө бергендей, тигүү жана текстил өнөр жайлары үчүн киреше салыгынын ставкалары жана камсыздандыруу төгүмдөрүнүн тарифтери төмөндөтүлдү. "1-январдан тартып бул тармактагы ишкерлер бир кызматкер... Читать дальше...

Өзгөчө кырдаалдар министрлигинин (ӨКМ) Кыргызгидромет кызматы маалымдагандай, 13-январь күнү саат 15:00-18:00 аралыгында жана кечинде Бишкек шаарында, Чүй өрөөнүндө ылдамдыгы секундасына 15-20 метрге жеткен катуу шамал болот. Шамал чыгыштан согот. ӨКМ жарандарды электр чубалгыларынан, жарнамалык калкандардан, бак-дарактардан алыс болууну эскертти. Кандайдыр бир кырсыкка кабылгандар тууралуу 112 кызматына токтоосуз билдирүү керек. Былтыр май айында Бишкекте катуу шамалдан бактар кулап, бутактар сынган. Читать дальше...

Кыргызстанда 14-январда жаан-чачын күтүлбөйт. Тоо этектерде жана тоолуу райондордо жолдор тоңголок, тайгак болот. Түштүк-чыгыштан соккон шамалдын ылдамдыгы секундасына 5-10 метрге жетет. Абанын температурасы: Чүй өрөөнүндө түнкүсүн -3…+2, күндүз 9…14; Талас өрөөнүндө түнкүсүн -3…+2, күндүз 8…13; Баткен, Ош, Жалал-Абад облустарында түнкүсүн -4…+1, күндүз 9…14; Ысык-Көл облусунда түнкүсүн -1…-6, күндүз 1…6; Нарын облусунда түнкүсүн -20…-25, күндүз -10…-15. Бишкек шаарында жаан-чачын жаабайт. Читать дальше...

АКШнын президенти Дональд Трамп Иран менен соода алака жүргүзгөн мамлекеттерге 25 пайыздык бажы төлөмү киргизилгенин жарыялады. "Бүгүндөн тартып Иран Ислам Республикасы менен бизнес жүргүзгөн кайсы мамлекет болбосун АКШ менен бардык ишкердик операцияларынан 25% өлчөмүндө бажы төлөмүн төлөйт. Бул буйрук акыркы жана аткарууга милдеттүү", – деп жазды ал өзүнүн Truth Social тармагына. Bloomberg агенттиги жазгандай, мындай чара АКШнын негизги дүйнөлүк соода мамилесине таасир этиши мүмкүн. Анткени Американын кошуналары гана эмес... Читать дальше...

Кыргызстандын Министрлер кабинети "Мамлекеттик сыйлыктар, ардактуу наамдар жана мамлекеттик сый акылар тууралуу" мыйзамдын жаңы редакциясынын долбоорун сунуштоодо. Ага ылайык, бир катар мамлекеттик сыйлыктар жана сый акылар кыскартылат, айрымдары өкмөттүн карамагына берилет. Бул тууралуу юстиция министринин орун басары Кубан Казаков 13-январда Жогорку Кеңештин Конституциялык мыйзамдар, мамлекеттик түзүлүш, жергиликтүү өз алдынча башкаруу комитетинин жыйынында билдирди. Сунуштарга ылайык, жогорку мамлекеттик сыйлыктар кыскартылат... Читать дальше...

Эмгек, социалдык камсыздоо жана миграция министрлигине караштуу Жарандарды чет өлкөлөргө жумушка орноштуруу борбору 12-январь күнү төрт агенттиктин уруксат кагазын убактылуу токтотту. Алар кыргызстандык жарандарды Түркияга ишке жайгаштыруу менен алектенип келген. Аталган борбордун маалыматына караганда, бул агенттиктер мамлекеттик органдарга туура эмес маалыматтарды беришкени атайын рейд учурунда аныкталган. Документтерде Түркияда жарандарды ишке кабыл алуучу уюмдар - иш берүүчүлөр же ишке орноштуруучулар... Читать дальше...

Кыргызстанда 15-январдан 15-февралга чейинки убакта мөөнөтсүз айдоочулук күбөлүктү акысыз алмаштырууга болот. Бул тууралуу президенттин иш башкармалыгынын башчысы Каныбек Туманбаев журналисттерге билдирди. Мөөнөтсүз айдоочулук күбөлүктөр жоюлуп, аны 2026-жылдан тарта он жылдык мөөнөткө берилүүчү күбөлүккө алмаштыруу зарылчылыгы былтыр күзүндө жарыяланган. 2009-жылдан 2012-жылга чейин берилген айдоочулук күбөлүктөргө 2027-жылга чейин мөөнөт коюлган. Мөөнөтсүз күбөлүктү алмаштыруу үчүн айдоочулар медициналык кароодон өтүүгө тийиш. Читать дальше...

Жалал-Абад облустук ички иштер башкармалыгынын басма сөз кызматы соцтармактарда асынып каза тапкан келин тууралуу милиция маалымат бербей жатат деген билдирүүлөр чыккандан кийин окуяга байланыштуу кабар таратты. Анда 10-январь күнү Манас шаарынын 40 жаштагы тургуну И. В. аттуу аялдын сөөгү өз үйүндө асынган абалда табылганын шаардык ички иштер башкармалыгына (ШИИБ) "Тез жардам" кызматы кабарлаганы жазылган. Маалыматка караганда, бул фактыны Манас шаардык милициясынын тергөө кызматы электрондук журналына каттап... Читать дальше...