Новости за 12.01.2017

„Јас би ја сметал како главна закана Русија и секоја друга нација која ќе ги заплашува другите нации со кои граничи... Исто така, ние влегуваме во ера каде што ќе мораме да се бориме со терористичката закана“, изјави Матис на сослушувањето во американскиот Сенат каде се расправа за неговата кандидатура, пренесува РИА „Новости“.

Захарова потсети дека практично половина од објавениот извештај за „руската вмешаност“ во изборите во САД е посветен на работата на РТ и „Спутник“. Според неа, оние кои работеле на тој документ, очигледно, не го владеат рускиот јазик.

Москва е подготвена да му презентира на Рекс Тилерсон аргументи за припадноста на Крим на Русија, откако тој ќе почне да работи како државен секретар на САД, изјави во четвртокот портпаролот на Кремљ Дмитриј Песков, пренесува „Лента.ру“.

Лидерот на британската опозиција Џереми Корбин смета дека распоредувањето на британски сили во Источна Европа ја зголемува напрегнатоста во односите со Русија, соопштува „Сан“ повикувајќи се на портпаролот на политичарот.

Поранешниот лидер на Партијата на независноста на Велика Британија Најџел Фараж ја критикува Европската унија за немањето идеја како да ги поправи односите со Русија, пишува „Дејли Експрес“.  Тој исто така ја повика ЕУ да не ја провоцира руската мечка.

Во 2016 година бројот на постојани жители на Санкт Петербург стана помал од бројот на туристи, соопштува „Росијскаја газета“ повикувајќи се на истражувањето на градскиот комитет за туризам.

Научниците го нарекуваат резерватот „Остров Врангељ“ во Чукотско Море „породилиште“ на белите мечки. Тој се протега на над 2.2 милиони хектари. Тука живее најголемата популација бели мечки на планетава. Во 2013 година биолозите преброија тука околу 6.000 претставници на овој вид. Сега, сепак, нивниот природен ареал - територијата населена од овој животински вид - се намалува.

„Секоја земја на зголемувањето на странското воено присуство на своите граници може да гледа и ќе го гледа како негативно. Токму на тој начин ние го гледаме тоа“, изјави Песков, пренесува РТ на руски.

Завршени се експертските вештачења на остатоците од рускиот авион Ту-154Б-2 кој се урна на 25 декември 2016 година по полетувањето од аеродромот Адлер кај Сочи.

Министерот за одбрана на РФ Сергеј Шоојгу говореше на предавањето за раководниот состав на министерството и претставници на јавноста на тема „Актуелните прашања на воената изградба. Современост и перспективи“, пренесува РТ на руски.

Русија издејствува прекин на огнот и стартуваше нова рунда на мировни преговори помеѓу опозицијата и актуелната влада на Сирија, изјави на 29 декември претседателот на Русија Владимир Путин.

Министерот за одбрана на САД Ештон Картер не исклучува обнова на воената соработка со Русија во духот на 1990-те години.