Путин смени десет генерали

Соодветниот указ е објавен во четвртокот на официјалниот портал за правни информации.

Од должноста се ослободени првиот човек на Управата за транспорт на МВР РФ за Приволжскиот федерален округ, генерал-потполковник на полицијата Владимир Берглезов и првиот заменик-началник на Московскиот универзитет за внатрешни работи, генерал-мајор на полицијата Сергеј Жевлакович. Исто така, ослободени од должноста се и првите луѓе на три регионални управи на МВР РФ - генерал-потполковник Сергеј Солодовников (Самарска област), генерал-мајор Виталиј Федотов (Вологодска област), генерал-потполковник Иван Шаев (Нижегородска област).

Путин смени од должност 16 генерали

На списокот се најдоа и двајца регионални обвинители - Лидија Дјаконова (Еврејска автономна област) и Сергеј Легостаев (Чувашија).

Од функцијата беа отстранети и првиот човек на управата на ФСИК  за Саратовската област, генерал-мајор на внатрешната служба Александар Гнездилов, шефот на управата на ресорот за Мордовија, генерал-мајор на внатрешната служба Рамазан Јагјев, началникот на управата за воспитна работа на ресорот, генерал-мајор Александар Новиков.

Ослободени од должноста се и првиот заменик-раководител на истражната управа на Истражниот комитет за Забајкалскиот крај, полковник на правдата Рузиља Шелест и вишиот иследник за работи од посебна важност при претседателот на Истражниот комитет, генерал-мајор на правда Александар Филин, пренесува „Лента.ру“.