Reuters: Iran kan delta i samtalar om USA sluttar med press og truslar

Ein iransk tenesteperson seier til nyheitsbyrået Reuters at Iran kan delta i samtalane i Pakistan dersom USA sluttar med press og truslar.

Våpenkvila mellom Iran og USA går ut onsdag, og dei to landa skulle etter planen ha samtalar i Islamabad i Pakistan.

Men Iran har ikkje villa gi eit klart svar om dei vil komme eller ikkje, og USAs visepresident JD Vance, som skal leie den amerikanske delegasjonen, forlèt ikkje Washington som planlagt tysdag.

Pakistan jobbar for at dei to landa skal komme tilbake til forhandlingsbordet igjen.