World News in Pashto

هند او جرمني غواړي د دفاعي صنعت په برخه کې خپل ترمینځ اړیکې لا پیاوړې کړي. دا خبره د هند صدراعظم نریندرا مودي د دوشنبې په ورځ وروسته له هغې وکړه چې د جرمني صدراعظم فریدریش میرڅ یې په خپل ټاټوبي ګجرات کې مېلمه کړی و. میرڅ وویل چې برلین هم له نوي ډیلي سره د امنیتي همکاریو نږدې کېدل غواړي، چې پکې د «دواړو هېوادونو د دفاعي صنایعو ترمنځ ژوره همکاري» شامله ده، څو د پوځي تجهیزاتو په برخه کې د روسیې پر دودیز انحصار د هند تکیه کمه شي. د فرانسپرس خبري آژانس د راپورله مخې میرڅ هند ته په دوه ورځني سفر تللی چې... Читать дальше...

وروسته له هغې چې د امریکا ولسمشر ډونالډ ټرمپ وویل، دی د تهران پر ضد د «ډېرو قوي انتخابونو» په اړه غور کوي، ایران وایي چې له متحده ایالاتو سره خبرو اترو او یا جګړې دواړو ته چمتو دی. دا څرګندونې په داسې حال کې شوي چې راپورونه د حکومت ضد مظاهره کوونکو پر وړاندې د سخت او تاوتریخوالي ډک ځپلو په ترڅ کې د سلګونو او ښايي د زرګونو کسانو د وژل کېدو خبر ورکوي. د ازادي راډیو د خبرد مرکزي څانګې د راپورله مخې ټرمپ د جنورۍ په ۱۱مه ناوخته په ایر فورس ون الوتکې کې خبریالانو ته وویل چې د امریکا پوځ په ایران کې د بېلابېلو... Читать дальше...

د نن دوشنبې خبري ټولګه

د پاکستان د هندوانو شورا (پاکستان هندو کونسل) د پخوا په څېر سږ کال هم په کراچۍ کې د ۷۵ هندوو جوړو ډله ییز ودونه کړي دي. د جنورۍ پر ۱۱مه واده ته ګڼ خلک ورغلي ول. د هندو کونسل مشران وايي، له تېرو ۱۹ کلونو راهیسې هر کال د بې وزله هندوانو د ودونو ټول لګښت پرې کوي او د اجتماعي واده غونډه جوړوي. ویډیويي رپورټ.

یو شمېر افغان سوداګر وايي د ایران د وروستي وضعیت له امله یې سلګونه سوداګریز کانتینرونه د ایران په بیلابیلو بندرونو کې بند پاتې دي او هره ورځ له دې امله د کرایې او جریمې له درنو مالي زیانونو سره مخ دي. دوی دوشنبه د جنورۍ په ۱۲مه، راډیو ازادي ته وویل په صادراتو کې د افغانستان تازه میوې دي چې د ایران له لارې هند ته ځي او دغه راز په وارداتو کې بیلابیل صنعتي توکي او د فابریکو خام مواد دي. دا په داسې حال کې ده چې نږدې دوه اونۍ وړاندې په ایران کې پیل شوي له تاوتریخوالي ډک اعتراضونه لا هم روان دي. نقیب الله... Читать дальше...

د طالبانو عدلیې وزارت اعلان کړی چې په کابل کې یې د ځینو بنسټونو او ټولنو دفترونه تړلي دي. دې وزارت په یو بیان کې ویلي چې په تېرو دوه میاشتو کې یې په کابل کې د ۲۹ ټولنو، ۱۷ خیریه بنسټونو، یوې شورا او یو سازمان فعالیتونه اروزلي دي، خو د غیر قانوني فعالیت له امله د دوی له ډلې د یو سازمان، یوې شورا او درې ټولنو دفترونه تړلي دي. که څه هم په دې بیان کې په دې اړه نور جزئیات نه دي ورکول شوي، خو څه موده وړاندې د طالبانو حکومت د عدلیې وزیر په یوه مرکه کې په افغانستان کې پر خیریه ټولنو د مالي فساد له امله د فشار د راوستلو خبره کړې وه. Читать дальше...

د طالبانو حکومت د مالیې وزارت لخوا د تقاعد حق ترلاسه کولو لپاره د انلاین نوم لیکنې د اعلان په غبرګون یو شمیر متقاعدین وايي، دې بهیر د دوی د تقاعد ترلاسه کولو پروسه لا ستونزمنه کړې ده. دوی ازادي راډیو ته وویل، ډیری متقاعدین له ډیجیټل وسایلو سره بلد نه دي او نه هم انټرنیټ ته لاسرسی لري. په ورته وخت کې، د ځینو متقاعدینو کورنۍ وايي، میندو او پلرونو یې د نوم لیکنې او حق ترلاسه کولو هڅه کړې، خو رد ځواب یې ترلاسه کړی دی. په افغانستان کې یو شمېر متقاعدین وايي، د تقاعد حقوقو ترلاسه کولو لپاره انلاین نوم لیکنې، دا پروسه نوره هم پیچلې کړې ده. Читать дальше...

افغان کرکټران محمد نبي او حسن عیسی خېل لومړنی پلار او زوی شول چې د کرکټ په یوه نړیوال تجارتي لیګ کې ولوبېدل. محمد نبي وویل چې خپل زوی حسن یې د داسې لوبو لپاره چمتو کړی او خوښ دی چې ښه ولوبېد. نبي وویل هیله من دی چې حسن وکولای شي د افغانستان په ملي ټیم کې هم ځای ورکړل شي. حسن عیسی خېل هم وویل چې دا د دوی دواړو هیله وه چې سره ګډ ولوبیږي. محمد نبي او د هغه زوی حسن د بنګله دیش غوره لیګ د نووا ایکسپریس ټیم په ګټه لوبیږي. په پرونۍ لوبه کې محمد نبي او حسن په هغه وخت کې چې سره ګډ لوبېدل وتوانېدل په ۳۰ بالونو د خپل ټیم په ګټه ۵۳ منډې جوړې کړي. Читать дальше...

په تهران کې د جنورۍ پر ۱۱مه له یوې مرده خانې بهر لسګونه جسدونه پراته ول چې په اړه یې ویل کېږي چې د حکومت پرضد د مظاهرو پر مهال وژل شوي دي. د مشال رېډیو ایرانۍ څانګې "فردا راډیو" په خپل یوه پلټنیز راپور کې موندلي چې پوځیانو او نورو امنیتي ځواکونو پر مظاهرچیانو مستقیمې ډزې کړي او ماورای عدالت وژنې یې هم کړي دي. په ایران کې د ډېسېمبر پر ۲۸مه د ګرانۍ پر وړاندې مظاهرې پیل شوې چې ژر په حکومت ضد لاریونونو بدلې شوې. د مشال راډيو د خبرونو مرکزي څانګې له ویډيو جوړ راپور.

پاکستان تحريک انصاف (پي ټي ای) وايي، پر خنډونو سربېره یې د خپل بنسټګر او پخواني وزيراعظم عمران خان د خوشې کولو لپاره په کراچۍ کې احتجاجي جلسه کړې ده. ټاکل شوې وه چې د ګوند مخکښ مشران او پلویان د جنورۍ پر ۱۱مه د پاکستان د بنسټګر محمد علي جناح د مزار په باغ کې غونډه وکړي خو پولیسو هغه ځای ته تلونکې لارې تړلې وې. هلته په ځینو ځایونو کې د پولیسو او احتجاجیانو ترمینځ اخ و ډب هم وشو او پولیسو لسګونه کسان ونیول. هغه حکومت مخالفه ګوند تور پورې کوي چې پولیسو یې د پلویانو پر وړاندې "ځواک کارولی" دی خو زیاتوي چې د "ځپنو هڅو" باوجود یې احتجاجي غونډه وکړه. Читать дальше...