محمد فهيم وايي صوبايي بوديجه کې د قبایلي ضلعو لپاره زیاتې پروژې نه شته
دا اونۍ مو په مشال مرکه کې خبريال محمد فهيم مېلمه کړی دی. نوموړي په تېرو ۱۶ کلونو کې په پېښور کې له بېلابېلو رسنيو سره کار کړی دی. فهيم په خيبر پښتونخوا کې د تېرو ۱۲ صوبايي بجټونو د غونډو په اړه خبریالي کړې ده او وايي چې سږ کال د پاکستان له جوړېدو راهیسې لومړی ځل وو چې صوبايي حکومت تر وفاقه مخکې خپله بودیجه اعلان کړه. دی البته وايي چې دا کار منفي اغېز نه لري. فهیم وايي صوبايي حکومت په بجټ کې لویې پروژې نه دي شاملې کړي او د قبایلي ضلعو لپاره هم بودیجه زیاته ښه نه برېښي ځکه چې پکې زیات ټیکسونه شامل دي. بشپړه مرکه واورئ.