طالبانو د کابل په پغمان کې د ګازو په يو شرکت کې د اورلګېدنې خبر ورکړی

د طالبانو د امنيه قومندانۍ د کابل په پغمان ولسوالۍ کې د ګازو په یو شرکت کې د اورلګېدنې خبر ورکړی دی.


د کابل د امنيه قوماندانۍ ویاند خالد ځدران پر خپلې ایکس‌پاڼې (پخواني ټویټر) نن ماښام لیکلي، دا اور په قلعه حیدرخان سیمه کې لګېدلی دی.


هغه زیاته کړې، د اطفايي ټیمونه د پېښې سیمې ته رسېدلي او هڅه کوي چې اور مهار کړي.


خالد ځدران د دې اور د لګېدو د علت په اړه څه ویلي نه‌دي.


په‌دې اړه نور جزیات نه‌دي خپاره شوي.