پاکستان او چین ګډ نظامي تمرینات کوي
د پاکستان د پنجاب ایالت په پبي سیمه کې د نومبر پر ۲۰مه د پاکستان او چین د پوځیانو ګډ تمرینات پیل شوي دي. د پاکستان پوځ ویلي چې دا تمرینونه به درې اونۍ دوام ولري او په کې د چین ۳۰۰ پوځیان ګډون کوي. دا په داسې حال کې ده چې په ورستیو کې په خیبرپښتونخوا او بلوچستان ایالتونو کې د وسله والو بریدونه زیات شوي دي. انیسې اجمل په دې اړه د رویټرز او اسوشېټېډ پرېس له ویډګانو دا راپور جوړ کړی دی.