د افغانستان او ويسټ انډيز کرکټ لوبډلو ترمینځ د ۲۰ اووریزو سیالیو لړۍ د جنورۍ له ۲۰مې پیلېږي
د افغانستان او ویسټ انډیز د کرکټ ملي لوبډلو ترمینځ د درې ۲۰ اووریزو لوبو لړۍ د جنورۍ له ۱۹مې پیلېږي.د افغانستان د کرکټ بورډ پر خپله فیسبوک پاڼه په خپرو کړو معلوماتو کې ویلي چې د افغانستان په کوربتوب به د درې لوبو دا لړۍ د متحده عرب اماراتو د دوبۍ په میدان کې ترسره شي.
د کرکټ بورډ لخوا له خپاره شوي مهالوېش سره سم، دا لوبې د جنورۍ پر ۱۹مه، ۲۱مه او ۲۲مه ترسره کېږي.
دا په داسې حال کې ده چې د افغانستان او ویسټ انډیز په ګډون د ټولو هیوادونو لوبډلې د ۲۰ اووریز نړیوال جام لپاره د تیاریو په وروستي پړاو کې دي.
ټاکل شوې چې د نړیوال جام لوبې به د فبرورۍ پر اوومه په سريلنکا او هند کې ترسره شي. د اتلولۍ لومړۍ لوبه د پاکستان او نېدرلېنډز ترمنځ ده.