بلوڅو وسلوالو د کوټې په ګډون د بلوچستان په يوشمېر سيمو کې بريدونه کړي دي
د بلوچستان د سرښار کوټې په ګډون د هغې صوبې په يوشمېر سيمو کې بلوڅ بېلتون غوښتونکو وسلوالو بريدونه کړي او يو شمېر حکومتي ودانيو او بانکونو ته يې زيان اړولی دی. امنيتي سرچينې وايي چې د جنورۍ له ۳۰ مې شپې راهيسې روانو بريدونو کې تر اوسه (د جنورۍ تر ۳۱مې مازيګر مهاله) وسلوالو پر ۱۲ ځايونو بريدونه کړي چې په نتيجه کې يې ۱۰ امنيتي سرتېري وژل شوي دي. بلخوا د بلوچستان حکومت دعوه کړې ده چې له تېرو دوو ورځو راهيسې يې په روانو عملياتو کې له ۷۰ زيات وسلوال وژلي دي. په دې اړه د فرانس پرېس اژانس له ويډيو جوړ راپور: