د شل اوریز نړیوال جام په سیالیو کې نن افغانستان له کاناډا سره لوبه کوي
د شل اوریز نړیوال جام په سیالیو کې نن پنجشنبه (د سلواغې ۳۰مه) دافغانستان ټیم له کاناډا ، سیریلانکا له زیمبابوې او ویسټ انډیز له استرالیا سره لوبې کوي.
د افغانستان او کاناډا لوبه د هند د چینای په سټوډیوم کې د افغانستان په وخت د ماښام ۶ بجې پیلیږي.
د افغانستان ټیم په دغه جام کې تراوسه درې لوبې کړي چې نیوزیلند او جنوبي افریقا ته یې لوبې بایللی خو د متحدو عربي اماراتو ټیم څخه یې لوبه ګټلې ده .
شل اوریز نړیوال جام د هند او سیریلانکا په ګډ کوربتوب پیل شوی او وروستۍ لوبه یې د مارچ په اتمه ترسره کیږي.