د سپوږمکیو تصویرونه ښيي چې ایران په خپلو نویو پوځي تاسیساتو باندې د کانکریټو یو سپر جوړ کړی
د سپوږمکیو تصویرونه ښيي چې د ایران حکومت په دې وروستیو کې په خپله یوه مهمه پوځي اډه کې نویو تاسیساتو باندې د کانکریټو یو سپر جوړ کړی او هغه یې په خاورو پوښلی او بند کړی دی.
دغه راز تصویرونه ښيي چې د ایران حکومت دیوې اټومي اډې ورودي تونلونه چې تیرکال اسراییلو سره د ۱۲ ورځنۍ جکړې په مهال دامریکا لخوا بمبارد شول پوښلي دي.
یوې بلې اډې ته نږدې ورودي تونلونه رغول شوي او د راکټونو یوه اډه چې د ۱۲ ورځنۍ جګړې په مهال زیانمنه شوې وه هم رغول شوې.
د رویټرز د خبري اژانس رپوټ زیاتوي چې اسراییل او امریکا سره د ایران د اوسني کړکیچ په مهال دغه تصویرونه د تهران فعالیتونه څرګندوي.
واشنګټن هلې ځلې کوي چی ایران سره یوې داسې اټومي هوکړې ته ورسیږي چې اټومي پروګرام یې محدود کړي او د جکړې مخه ونیول شي.