ډیورنډ کرښې ته نږدې څه ناڅه نښتې لا هم شته خو خلک وايي نسبت تېرو اونیو ته وضعه ښه ده
په افغانستان کې د طالبانو د حکومت او پاکستان ترمنځ تاوتریخوالی که څه هم له تېرو دوه ورځو راهیسې ظاهرا کم شوی، خو ښکاري لا هم ډیورند کرښې ته نږدې په ځینو سیمو کې نښتې شوې دي.
د ننګرهار او خوست یو شمېر اوسېدونکي او خبریالان وايي تېره شپه ارامه وه، خو د کرښې په اوږدو کې یې د سپکو ډزو غږونه اورېدلي دي.
په همدې حال کې د تېرې فبرورۍ په ۲۶مه د پیل شویو دغه نښتو له امله له خپلو سیمو بې ځایه شوې ګڼې کورنۍ لا هم بېرته خپلو سیمو ته نه دي ستنې شوي او په امن سیمو کې له سختو ستونزو سره مخ دي.
د ملګرو ملتونو د کډوالو ادارې (ای او اېم) ویلي بې ځایه شوې کورنۍ په بېړني ډول ژوند ژغورونکو مرستو ته اړتیا لري.