Соҳибкор ба ҷои бунгоҳи тиббӣ қаср сохт ва гуфт, "ба куҷое хостед, шикоят кунед"
Сокинони Ҳосилободи ноҳияи Вахш иддао доранд, ки соҳибкор Тоҷиддин Гулов роҳ ба сӯи хонаашонро баста, дар ҷойи бунгоҳи тиббӣ, китобхона ва хобгоҳи омӯзгорон иморати муҳташами шахсӣ сохтааст. Онҳо мегӯянд, аз соли 2006 боз зӯрашон ба ин соҳибкор намерасад, то бунгоҳи тиббии маҳаллашонро баргардонда, роҳ ба сӯи хонаҳоро боз намоянд.