Як мақомдори Тошканд баъди ҷалби зердастонаш ба кори иҷборӣ муҷозот шуд

Роҳбари шабакаҳои барқи шаҳри Тошканд барои ба кори иҷборӣ ҷалб кардани зердастонаш ба ҷавобгарии маъмурӣ ҷалб шуд. Дар ин бора Шерзод Кубдиев, вазири меҳнат ва шуғли аҳолии Узбекистон хабар дод.


Ба гуфтаи вай, далелҳои ҷамъовардашуда ба додситонии вилояти Тошканд ирсол шудаанд. Ибтидои моҳи июн расонаҳо хабар доданд, ки кормандони шабакаҳои барқ дар вақти корӣ ба поккории шоҳроҳи Ангрен ҷалб шудаанд.


Кормандон он замон гуфта буданд, ки роҳбари муассиса бо таҳдиди ихроҷ аз кор онҳоро иҷборан ба пок кардани шоҳроҳ маҷбур карда буд.