Новости за 07.01.2025

Aşgabadyň köp etrapçasynda ilatyň öýlerine çekilen WiFi hyzmatynyň üpjünçiligi 1-nji ýanwarda kesildi. “Aşgabat şäher telefon ulgamy” (AŞTU) müşderilere berýän maglumatynda bir hepde bäri dowam edýän bökdençligi “tehniki näsazlyk” bilen düşündirýär. Bu ýagdaýlar barada Azatlyk Radiosynyň habarçysy 7-nji ýanwarda paýtagtdan maglumat berdi. “Hojalyklaryň WiFi hyzmatynyň ýanwar aýy üçin töleglerini dekabr aýynda geçirendigine garamazdan, 1-nji ýanwarda köp etrapçadaky abonentleriň WiFi hyzmaty işlemesini bes etdi” diýip... Читать дальше...

Lebap welaýatynda daşary ýurt walýuta söwdasy bilen meşgullanýanlara gözegçilik artdy. Azatlygyň habarçylaryna görä, bu ýagdaý daşary ýurtlarda gazanç edýänleriň öz ýakynlaryna pul ugratmagyny kynlaşdyrypdyr. "Ýakynlary daşary ýurtlarda zähmet çekýän lebaplylar eklenç üçin daşary ýurtlardan ugradylýan walýutany indi gizlin ýollar bilen almaga çalyşýarlar" diýip, Azatlygyň Lebapdaky çeşmesi häzirki ýagdaýy suratlandyrdy. Türkmenabadyň polisiýasyndaky çeşmäniň we daşary ýurtlarda ýaşaýan türkmen... Читать дальше...

Mary welaýatynda baýramçylygyň yzýany bazarlardaky zibil çelekleriň daşynda adam köpeldi. Olar zibilden iýmite ýaraýan azyk gözleýärler. Azatlygyň habarçylary Marydaky ýagdaý barada 7-nji ýanwarda maglumat berdiler. Adamlar bazarlaryň zibil dökülýän çeleklerinden azyk gözleýärler. Şeýle-de, bazarlarda lomaý gök-bakja we beýleki azyk önümleriniň satylýan ýerlerine baryp, zaýa bolan ýa-da zyňyljak azygy soraýan adamlaryň sany köp. Olaryň arasynda dürli ýaşly adamlar, maşgala başlary we eneler bar. Читать дальше...

“Sinhua” habar gullugynyň habaryna görä, 7-nji ýanwar güni irden Tibetiň Tingri etrabynda güýçli ýer titremesi boldy. Şu wagta çenli 95 adamyň ölendigi, 130 adamyň ýaraly bolandygy aýdylýar.  Hytaýyň seýsmologiki tor merkeziniň habaryna görä, ýer titremesiniň ululygy 6,8 güýjünde boldy. Ýer titremesiniň merkezi Tingri etrabynda, 10 kilometr çuňlukda bolupdyr. Şu günki ýer sarsgynlary bäş ýyl içinde bolan iň güýçli ýer titremesi hasaplanylýar.

Kanadanyň premýer-ministri Jastin Trudo (Trudeau) 6-njy ýanwarda Kanadanyň Liberal partiýasynyň başlygy wezipesinden çekilýändigini yglan etdi. Ol öz ýerine dalaşgär kesgitlenýänçä premýer-ministriň wezipesinde galar. Kanadanyň parlamentiniň işi 24-nji marta çenli togtadylýar. Trudo partiýa täze başlyk saýlan badyna iş başyndan aýryljakdygyny aýtdy. Döwletiň täze lideri "umumymilli bäsdeşlik prosesi" netijesinde saýlamaly diýip, Trudo ýurduň ýakyn aýlarda geçiriljek täze saýlawlara garaşýandygyny aýtdy. Читать дальше...

Parižde Fransiýanyň öňki prezidenti Nikolas Sarkoziniň kazyýet işi başlandy. Ony 2000-nji ýyllaryň ortalarynda Liwiýanyň diktatory Muammar Kaddafi bilen korrupsiýa gatnaşygyny gurmakda aýyplaýarlar. Eger-de günäli hasaplansa, Sarkozi 10 ýyla çenli azatlykdan mahrum edilip bilner. Kazyýet işi üç aý çemesi dowam eder. Derňewiň çykaran netijelerine görä, Sarkozi we onuň diwany 2005-nji ýylda Kaddafi bilen dildüwşük gurady we 2006-2007-nji ýyllarda Sarkoziniň saýlaw kampaniýasyny maliýeleşdirmek üçin azyndan 50 million ýewro aldy. Читать дальше...

Azerbaýjanyň prezidenti Ylham Alyýew “Azerbaýjan Howaýollarynyň” geçen ýylyň 25-nji dekabrynda Gazagystanyň Aktau şäheriniň golaýynda heläkçilige uçramagyna “Russiýa Federasiýasynyň wekilleriniň jogapkärdigini” aýtdy. Alyýew 6-njy ýanwarda uçar ekipažynyň betbagtçylykdan aman galan agzalary we wepat bolanlaryň garyndaşlary bilen duşuşdy. Onuň 6-njy ýanwarda eden çykyşy Azerbaýjanyň prezidentiniň web sahypasynda çap edildi. Alyýew uçar heläkçiliginiň Bakuwdan Çeçenistanyň paýtagty Grozna uçup baryp... Читать дальше...

Marynyň Türkmengala etrap häkimliginiň işgärleriniň geňeşliklerdäki köprüleriň aşagyndaky galyň turbalary demir söwdasyny edýän telekeçilere satlyga hödürlemegi bilen bagly hadysalar ýygjamlaşdy diýip, ýerli ýaşaýjylar we demir söwdasyny edýän raýatlar aýdýarlar.