Suw joşmalaryna garşy hüşgärlik ýagdaýy saklanyp galýar, Amyderýa goraghanasynyň bir bölegini suw basdy

Türkmenistanyň gündogar sebitlerinde Amyderýanyň suwunyň joşmak howpuna garşy hüşgärlik ýagdaýy dowam edýär. Derýanyň Lebap welaýatynyň Dänew etrabynyň Gabakly obasyndan geçýän böleginde adatdan daşary ýagdaý saklanyp galýar. Sebitiň administratiw merkeziniň jemagat gulluklarynyň işgärleri suw joşmalaryna garşy derýanyň kenaryny galdyrmak işlerine ýardam bermek üçin Gabakly obasyna ugradylýar.