Prezident Zelenskıy BMT Baş kâtibi ile «Qırım platformasını» muzakere etti
Ukraina prezidenti Volodımır Zelenskıy BMT Baş kâtibi Antoniu Güterriş ile telefonnen laf etti, bu laqırdı vaqtında olar «Qırım platformasını» muzakere ettiler. Bunıñ aqqında aprelniñ 21-nde Prezident ofisiniñ matbuat hızmeti haber etti.
«Ukraina sıñırında ve vaqtınca işğal etilgen topraqlarda RF-nıñ arbiy mevcudlığınıñ armasını köz ögüne alıp, Ukrainanıñ şarqındaki vaziyetke ayrıca diqqat etildi. Volodımır Zelenskıy Ukraina suvereniteti ve topraq bütünligi ve onıñ tınç ğayretlerine destek içün Antoniu Güterrişke minnetdarlıq bildirdi», – dep yazıla bildirmede.
Zelenskıy, Güterriş ile laqırdıda, Ukrainanıñ avgust ayında keçirelecek sammit ile resmiy olaraq başlatadaq «Qırım platforması» teşebbüsiniñ «Qırım meselesini halqara kün tertibine qaytaracağını, yarımadanıñ işğalden çıqarılması esnasını başlatacağını ve Qırımda insan aqlarınıñ qorunması içün ameliy bir mehanizm olacağını» qayd etti.
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Ukraina Tış işler naziriniñ birinci muavini Emine Ceppar Qırım.Aqiqat Radiosınıñ yaynında, kelecek yılnıñ mayıs ayında keçirilmesi planlaştırılğan yarımadanı işğalden azat etüv «Qırım platforması»sammitiniñ neticelerine köre muvafıq beyanname qabul etilecek, dep bildirdi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.
«Ukraina sıñırında ve vaqtınca işğal etilgen topraqlarda RF-nıñ arbiy mevcudlığınıñ armasını köz ögüne alıp, Ukrainanıñ şarqındaki vaziyetke ayrıca diqqat etildi. Volodımır Zelenskıy Ukraina suvereniteti ve topraq bütünligi ve onıñ tınç ğayretlerine destek içün Antoniu Güterrişke minnetdarlıq bildirdi», – dep yazıla bildirmede.
Zelenskıy, Güterriş ile laqırdıda, Ukrainanıñ avgust ayında keçirelecek sammit ile resmiy olaraq başlatadaq «Qırım platforması» teşebbüsiniñ «Qırım meselesini halqara kün tertibine qaytaracağını, yarımadanıñ işğalden çıqarılması esnasını başlatacağını ve Qırımda insan aqlarınıñ qorunması içün ameliy bir mehanizm olacağını» qayd etti.
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Ukraina Tış işler naziriniñ birinci muavini Emine Ceppar Qırım.Aqiqat Radiosınıñ yaynında, kelecek yılnıñ mayıs ayında keçirilmesi planlaştırılğan yarımadanı işğalden azat etüv «Qırım platforması»sammitiniñ neticelerine köre muvafıq beyanname qabul etilecek, dep bildirdi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.