Volodımır Zelenskıy Vaşingtonda Qırımnıñ işğalden azat etilüv meselesini köterecek – Prezident ofisi
2021 senesi avgustnıñ 30-nda prezident Volodımır Zelenskıy Vaşingtonğa ziyareti vaqtında türlü meselelernen beraber Qırımnıñ işğalden azat etilüv meselesini de köterecek. Bunıñ aqqında Prezident ofisiniñ saytında yayınlanğan beyanatta yazıla.
«Aytışuvlarnıñ kün tertibinde ilk nevbette telükesizlik meseleleri: RF Ukrainağa qarşı devamlı tecavuzı, Qara deñiz bölgesinde ve Donbasta vaziyetniñ fenalaşması, Qırımnıñ işğalden azat etilüvi, devletimizniñ energetik telükesizliginiñ arttırıluvı, Ukraina ve ABD arasında arbiy ve arbiy-mudafaa işbirlik. Daa "Şimaliy aqım-2" leyhası da muzakere etilecek», –dep yazıla bildirmede.
Prezident ofisinde qayd etkenlerine köre, eki devlet arasında strategik işbirlikniñ terenleştirilüvi ile bağlı belli bir añlaşmalar ve adımlar beklenile.
«Aytışuvlarnıñ kün tertibinde ilk nevbette telükesizlik meseleleri: RF Ukrainağa qarşı devamlı tecavuzı, Qara deñiz bölgesinde ve Donbasta vaziyetniñ fenalaşması, Qırımnıñ işğalden azat etilüvi, devletimizniñ energetik telükesizliginiñ arttırıluvı, Ukraina ve ABD arasında arbiy ve arbiy-mudafaa işbirlik. Daa "Şimaliy aqım-2" leyhası da muzakere etilecek», –dep yazıla bildirmede.
Prezident ofisinde qayd etkenlerine köre, eki devlet arasında strategik işbirlikniñ terenleştirilüvi ile bağlı belli bir añlaşmalar ve adımlar beklenile.